Delegacioni i Universitetit “Yildiz Teknik” në Stamboll, viziton Universitetin Hëna e Plotë Bedër

Rektori i Universitetit “Yildiz Teknik” në Stamboll Prof. Dr. Ismail Yuksek, zhvilloi një vizitë pune në Universitetin Hëna e Plotë Bedër. Në takim ai u preit nga rektori, Dr. Ferdinand Gjana dhe stafi drejtues i universitetit.

Pas konkretizimit të bashkëpunimit mes dy universiteteve nëpërmjet firmosjes së marrëveshjes, disa muaj më parë, kjo vizitë u shërbeu palëve për të diskutuar projekte konkrete që do të zbatohen në të ardhmen. Rektori i “Yildiz Teknik University” pasi falenderoi drejtuesit e Universitetit Hëna e Plotë Bedër për mikëpritjen, u shpreh se bashkëpunimi mes dy universiteteve merr një rëndësi të veçantë në kohën kur marrëdhëniet mes dy vendeve janë mjaft intensive.

Në kuadër të marrëveshjes së firmosur mes dy institucioneve kanë fillar tashmë programet e shkëmbimit të studentëve dhe stafit akademik.

“Yildiz Teknik University” është themeluar në vitin 1911 dhe numëron 10 fakultete, 2 institute dhe 3 qendra kërkimore. Në të studiojnë rreth 25 000 studentë dhe renditet në një nga universitetet më prestigjioze jo vetëm në Turqi, por edhe më gjerë