Firmoset marrëveshja e bashkëpunimit me “Ishik University”

Universiteti "Hëna e Plotë" (BEDËR), dhe Ishik University nënshkruan sot një marrëveshje bashkëpunimi, që synon thellimin e marrëdhënieve mes dy institucioneve. Ceremonia e nënshkrimit u krye gjatë vizitës që Rektori i Ishik University Prof. Dr. Ahmet Öztaş dhe drejtues të tjerë të universitetit zhvilluan në Universitetin "Hëna e Plotë" (BEDËR).

Pas nënshkrimit, palët shprehën edhe një herë vullnetin për të vënë në jetë, sa më shpejt që të jetë e mundur, mundësitë e bashkëpunimit që ofron kjo marrëveshje. Rektori i Universitetit “Hëna e Plotë” (BEDËR), Dr. Ferdinand Gjana pasi vuri në duke arritjet e dy universiteteve në këto vite u shpreh se firmosja e marrëveshjes i hap rrugë bashkëpunimit në fushën akademike duke krijuar mundësi të reja për studentët dhe stafin e të dy palëve.

Marrëveshja përfshin shkëmbimin e studentëve, stafit akademik, organizimin e konferencave të përbashkëta dhe koordinimin e projekteve të përbashkëta në fushën e kërkimit shkencor.