Studentët e Shkencave të Komunikimit, vizitë në Top Channel.
01 Tetor 2012
Studentët e Shkencave të Komunikimit zhvilluan dje një vizitë në ambientet e televizionit Top Channel. Në këtë vizitë studentët panë nga afër ambientet e brendshme të televizionit si dhe u njohën me praktikën e punës në Departamentin e Informacionit. Grupi i studentëve u prit nga gazetarë dhe drejtues të Departamentit të Informacionit në Top channel, të cilët shpjeguan mënyrën sesi funksion një proces i punës që nga mbledhja e informacionit, përpunimi dhe deri në transmetimin e këtij informacioni tek publiku. Gjatë vizitës në studiot e lajmeve dhe të emisioneve kryesore si “Fiks Fare”, “Shqip”, “Select” etj , studentët u njohën edhe me teknologjinë e lartë që përdor televizioni Top channel.
Kjo vizitë organizohet në vazhdën e një programi të përzgjedhur që synon të njohë nga afër studentët me terrenin në të cilin ata do të punojnë pasi të jenë diplomuar. Bashkëpunimi me mediat kryesore vizive dhe të shtypit të shkruar, bën të mundur vazhdimin e kësaj praktike përgjatë gjithë programit të studimit në Departamentin e Shkencave të Komunikimit.