Lajme & Aktivite

“Bedër” riakreditohet edhe me 5 vite të tjera

Bordi i Akreditimit pranë Agjencisë së Sigurimit të Cilësisë në Arsimin e Lartë, në mbledhjen e radhës, të mbajtur më datë 16 dhjetor 2021, mori vendimin për akreditimin institucional me kohëzgjatjen prej 5 (pesë) vitesh të Kolegjit Universitar “Bedër”. Procedura dhe procesi i vlerësimit janë kryer në përputhje me parashikimet ligjore dhe nënligjore, si dhe procedurën dhe afatet e përcaktuara nga ASCAL për këtë process. Vlerësimi për akreditimin me 5 vite të Kolegjit Universitar Bedër mbështetet në Dokumentacionin e Vetëvlerësimit, Vlerësimin e Jashtëm dhe gjetjet e verifikimet gjatë vizitës së ekspertëve në institucion. Me këtë vlerësim Kolegji Universitar Bedër konfirmohet edhe një herë si një nga institucionet më të rëndësishme dhe më serioze të arsimit të lartë në Shqipëri.

Lançohet fushata: “Dhuro arsim! Dhuro të ardhme!”

“Dhuro arsim! Dhuro të ardhme!” është fushata e ndërmarrë nga 28 studentë të Kolegjit Universitar Bedër, në kuadër të lëndës “Konceptim dhe Menaxhim Fushatash”. Studentët e programeve Master Shkencor në Marrëdhënie Publike dhe Master Profesional në Komunikim Marketingu synojnë të sigurojnë sa më shumë bursa dhe të ardhura për të mbështetur arsimimin e të rinjve jetimë nga mosha 14-18 vjeç. Organizatorët e fushatës gjatë lançimit të saj bënë me dije se ky projekt do të ketë një shtrirje lokale brenda qytetit të Tiranës, por nuk përjashtuan edhe mundësinë e shtrirjes në qytetet kryesore të Shqipërisë. Pas prezantimit të detajuar të fushatës, duke e nisur nga objektivat, synimet, qëllimi, pritshmëritë, ata u ndalën edhe tek aktivitetet, burimet e sigurimit të fondeve, etj. Gjatë lançimit të fushatës u prezantuan edhe raste suksesi nga të rinj jetimë, të cilët kanë sakrifikuar shumë për të ecur përpara dhe për të marrë një arsimim të mirë. Në fund të mbylljes së aktivitetit ata shprehën falenderimet dhe mirënjohje për të gjithë pjesëmarrësit, në veçanti falenderuan pedagogen e lëndës Dr. Edlira Mali. Fushatë po pritet mjaft mirë nga të rinjtë, pedagogët, prindërit, bizneset, organizatat, etj.

Zhvillohen zgjedhjet për anëratët e Këshillit Studentor

Studentët e Kolegjit Universitar Bedër votuan sot për zgjedhjen e anëtarëve të rinj të Këshillit Studentor. Procesi nisi në orën 10:00 dhe përfundoi në orën 14:00, nën mbikqyrjen e Komisionit të Zgjedhjeve. Pas kësaj faze të përzgjedhjes së anëtarëve, do të zhvillohet dhe procesi i dytë i zgjedhjeve për strukturat e reja drejtuese të këtij organi. Këshilli Studentor është organizim i pavarur i studentëve në Kolegjin Universitar Bedër, i cili promovon pjesëmarrjen e tyre në organet drejtuese. Këshilli koordinon përfaqësimin e ideve dhe opinioneve të studentëve në strukturat mësimore-kërkimore dhe të shërbimeve. Këshilli i studentëve zgjidhet çdo vit nga votat e studentëve dhe mbështetet në legjislacionin në fuqi. Ky organ organizohet në nivel institucioni, me përfaqësues nga të gjitha fakultetet dhe departamentet përkatëse.  

Promovohet libri “Të bëhesh një jurist i mirë”

Departamenti i Drejtësisë në bashkëpunim me “Halimi Law & Tax” organizuan sot promovimin e librit “Të bëhesh një jurist i mirë”. Z. Halimi e prezantoi librin si një manual profesional i cili synon të përgatisë juristët e rinj për tregun e ardhshëm të punës nëpërmjet të mësuarit, të menduarit, të shkruarit dhe të folurit si një jurist i mire. Ai foli për rëndësinë e ushtrimit të profesionit të avokatit në fusha specifike, ku theksoi specializimin e juristëve sidomos në fushën e naftës, të bankave, të ndërtimit dhe të energjisë, si fusha me shumë potencial për vitet në vazhdim. Ndër të tjera, ai i njohu studentët me projektet e fundit të fondacionit “Halimi Foundation Institute”, ndër të cilët përfshihej edhe organizimi i një konkursi në formën e simulimit të gjyqeve, i cili do të zhvillohet në një nga mediat më të rëndësishme në vend. Duke vlerësuar angazhimin e vazhdueshëm të studentëve të Kolegjit Universitar Bedër në konkurse ndërkombëtare, ai i ftoi ata të bëheshin pjesë e këtij konkursi si një mënyrë për t’u aftësuar edhe më shumë nga ana praktike. Në përfundim të takimit, z. Halimi dhuroi disa kopje të librit për bibliotekën e universitetit. Studentët shprehën interes të vecantë për aktivitetin dhe librin.

BEDËR DHURON 10 LAPTOPË PËR STUDENTËT E RINJ

Kolegji Universitar Bedër organizoi sot ceremoninë e shparndarjes së çmimeve të shorteut për dhurimin e 10 laptopëve të markës “DELL”. Të pranishëm në ceremeoni ishin drejtues të universitetit, të cilët uruan fituesit dhe premtuan se “Bedër” do të vazhdojë të mbështesë dhe nxisë studentët edhe në të ardhmen për përdorimin e teknologjisë. Gjatë prezantimit, studentët e rinj shprehën kënaqësinë dhe optimizmin që tashmë janë pjesë e Kolegjit Universitar Bedër, si dhe për programet e studimit që kanë zgjedhur për të ndërtuar të ardhmen e tyre.   Shorteu për dhurimin e laptopëve u hodh onlinë gjatë muajve të verës, ku pjesëmarrës ishin rreth 150 kandidatë që kishin bërë rezervimin për të studiuar në Kolegjin Universitar Bedër për vitin akademik 2021-2022. Fituesit janë: Burim Kreka – Gjuhë dhe Letërsi Angleze Kristi Hoxha – Shkenca Kompjuterike Olsiana Hasa – Marrëdhënie Publike dhe Komunikim Marketingu Reshat Nela – Informatikë Ekonomike Denada Canaj – Teknologji Informacioni dhe Komunikimi Ambra Sota – Drejtësi Adela Sinani – Shkenca Komunikimi Armela Shabi – Marrëdhënie Publike dhe Komunikim Marketingu Iris Lala – Informatikë Ekonomike I urojmë suksese në rrugën akademik të saponisur studentëve tanë!

Zhvillohet Workshop-i për Lirinë e Medias

Rrjeti “Barazi në Vendimarrje” dhe Departamenti i Shkencave të Komunikimit në Kolegjin Universitar Bedër organizuan sot workshop-in me temë: “Liria e Medias”. Studentëve iu prezantua nisma “Make it Visible”, e përfaqësuar dhe koordinuar nga Edlira Çepani. Gjithashtu u transmetua episodi i parë i serialit artistik “Katrori i pushtetit”, një prodhim i “Era Film”, i frymëzuar nga realiteti i gazetarisë investigative në mediat shqiptare. Më tej u zhvilluan diskutime me ekspertët mbi lirinë e medias në Shqipëri, ku të ftuar ishin: Robert Budina, drejtor dhe skenarist i serialit “Katrori i pushtetit”; Klodiana Lala, gazetare; Aulon Kalaja, aktivist dhe gazetar. Gjatë workshop-it pati diskutime midis të ftuarve dhe studentëve të Bedër, ku këta të fundit si gazetarë të ardhshëm shtruan pyetje në lidhje me problematikat me të cilat përballet gazetaria në vendin tonë. Episodi që u transmetua ngjalli mjaft diskutim dhe kureshtje tek studentët, kjo për faktin se ky prodhim nëpërmjet “Katrorit” (Politikë-Biznes-Krim-Media) transmetoi përballjen e vështirë të gazetarit për gjetjen e së vërtetës dhe sfidave për mbijetesë.  

“MËSIMDHËNIA E GJUHËS SË HUAJ TE GRUPMOSHAT E VOGLA”

Departamenti i Edukimit dhe Gjuhës Angleze zhvilloi një leksion të hapur me studentët e programeve Bachelor dhe Master, në kuadër të ciklit të takimeve me profesionistët e fushës. Eva Çota, themeluesja dhe drejtuesja e Academy of European Languages, ishte e ftuar për të diskutuar me studentët duke ndarë eksperiencat e saj në fushën e mësimdhënies së gjuhës së huaj te grupmoshat e vogla.   Leksioni u zhvillua në formë bashkëbisedimi ku studentët kishin mundësinë të pyesnin për metodologjive që përdoren në mësimdhënie dhe aktivitete të vecanta për fëmijët. Në fund të takimit u shkëmbyen kontakte mes Academy of European Languages dhe studentëve të Kolegjit Universitar Beder.

Programet Master, Bedër ofron 13 profile studimi

Kolegji Universitar Bedër vazhdon të mirëpresë aplikimet për programet e ciklit të dytë, master shkencor dhe master profesional. “Bedër” i ofron mundësinë aplikantëve që të përzgjedhin mes 13 profileve të ndryshme. Për herë të parë këtë vit akademik hapet programi i studimit Master Shkencor në Shkenca Kompjuterike. Ky program ka si objektiv parësor pajisjen e studentëve me njohuri dhe përgatitjen e plotë në fushën e dizenjimit të sistemeve të ndryshme informatike, njohuri të avancuara të programimit në objekte dhe programimit në ëeb, menaxhimit të bazave të të dhënave, sigurisë së të dhënave, si dhe programimit inteligjent. Gjithashtu, rishtazi ofrohet programi i studimit Master i Shkencave në Studime Religjioze, i cili ndahet me 3 profile: 1. Dialogu Ndërfetar; 2. Edukim Fetar; 3. Lidership Fetar. Ky program ndërdisiplinor, i ofruar i gjithi në gjuhën angleze, ka për qëllim të rrisë vetëdijen kulturore, politike dhe fetare, duke i mundësuar shoqërisë sonë të jetuarit në harmoni dhe duke respektuar botëkuptimet e ndryshme fetare. Programi i Studimit Master Profesional në “Mësuesi, Gjuhë Angleze për Arsimin e Mesëm”, vjen si risi duke u riorganizuar në dy profile: 1. Master Profesional në Mësuesi, Gjuhë Angleze / Profili: “Mësues për Arsimin e Mesëm të Lartë (Gjimnaz)”; 2. Master Profesional në Mësuesi, Gjuhë Angleze / Profili: “Mësues për Arsimin e Mesëm të Ulët (9-vjeçare)”. DATA TË RËNDËSISHME: Afati i aplikimeve pranë Sekretarisë Mësimore të Kolegjit Universitar Bedër për programet e ciklit të dytë është deri më datë 18 tetor 2021. Më pas, komisionet e ngritura pranë çdo departamenti shpallin listat e fituesve. Ndërmjet datave 3 Nëntor - 17 Nëntor 2021 kandidatët fitues paraqiten pranë Kolegjit Universitar Bedër për të bërë regjistrimin final. Programet master të ofruara nga Kolegji Universitar Bedër për vitin akademik 2021-2022 janë: ▶️ Master Shkencor në Shkenca Kompjuterike ▶️ Master Shkencor në Drejtësi / E Drejtë Penale ▶️ Master Shkencor në Drejtësi / E Drejtë Ndërkombëtare ▶️ Master Shkencor në Shkenca Komunikimi / Gazetari ▶️ Master Shkencor në Shkenca Komunikimi / Marrëdhënie Publike ▶️ Master Profesional në Komunikim Marketingu ▶️ Master Shkencor në Gjuhë dhe Letërsi Angleze ▶️ Master Profesional në Mësuesi, Gjuhë Angleze / Mësues për Arsimin e Mesëm të Lartë (Gjimnaz) ▶️ Master Profesional në Mësuesi, Gjuhë Angleze / Mësues për Arsimin e Mesëm të Ulët (9-vjeçare) ▶️ Master Shkencor në Shkencat Islame ▶️ Master Shkencor në Studime Religjioze / Dialogu Ndërfetar ▶️ Master Shkencor në Studime Religjioze / Edukim Fetar ▶️ Master Shkencor në Studime Religjioze / Lidership Fetar Për më shumë informacione rreth kritereve dhe mundësive, kontaktoni: 📱 +355 67 34 27 001 📩 admissions@beder.edu.al 🌐 admissions.beder.edu.al