Lajme & Aktivite

Bedër dënon ashpër aktet e terrorit në Paris

Universiteti Bedër dënon ashpër aktet e terrorit në Paris, ku humbën jetën dhjetra qytetarë të pafajshëm. Akte të tilla nuk mund të fshihen nën ombrellën e asnjë lloj besimi fetar, por janë sjellje terroriste dhe dashakeqe që synojnë destabilizimin e jo vetëm perëndimit, por të mbarë botës. Asnjë veprim që cënon jetën, dinjitetin, apo sigurinë e çdokujt nuk mund të justifikojë këto lloj aktesh çnjerëzore.  I gjithë stafi bashkë me studentët e Universitetit Beder solidarizohen dhe ndajnë dhimbjen me popullin francez dhe familjet e viktimave në tejkalimin e këtyre momenteve  të vështira.

Zhvillon punimet konferenca e 4-rt ndërkombëtare në gjuhë dhe letërsi

Departamenti i Gjuhës dhe Letërsisë Turke pranë Shkollës së Lartë (Bedër) organizoi për të 4-tin vit radhazi konferencën ndërkombëtare në gjuhë dhe letërsi me temë: “In Memory of Sami Frashëri” (Në kujtim të Sami Frashërit). Ceremonia e hapjes së konferencës u zhvillua në ambientet e shkollës, ku morën pjesë mbi 80 referues nga 8 shtete të ndryshme të botës, dhjetëra akademikë, si edhe një numër i konsiderueshëm studentësh e të ftuarish. Punimet e konferencës u përshëndetën nga përfaqësuesit e institucioneve bashkëpunuese në organizimin e saj, përmendim këtu: Dr. Hasan Gökçe, Drejtori i përgjithshëm i revistës “Yağmur” në Turqi,  Prof. Dr. Vilson Kurti, Universiteti Aleksandër Xhuvani në Elbasan, Prof. Dr. Ardian Marashi, Drejtori i Studimeve Albanologjike, Tiranë, etj. Rektori i Universitetit Bedër, Dr. Ferdinand Gjana, pasi përgëzoi bashkëpunëtorët e konferencës për organizimin e saj vit pas viti, me tematika nga më të ndryshmet, shtoi se: “Në universitetin tonë, seminaret, panelet dhe konferencat ndërkombëatre apo takimet shkencore zënë një vend mjaft të rëndësishëm, këtë gjë e tregon qartë vazhdimësia e tyre” 

Viti i ri akademik 2015 - 2016

Bazuar në udhëzimin e Ministrisë së Arsimit dhe Sportit Nr 298, datë 19.10.2015, Shkolla e Lartë "Hëna e Plotë" Bedër fillon zyrtarisht vitin e ri akademik në datën 12 tetor 2015.

Regjistrimet vazhdojnë, bëhu edhe ti pjesë e Bedër

Përse të studiosh në Bedër ? ·Mësimdhënie cilësore në zhvillim të vazhdueshëm ·Staf akademik me profesionistët më të mirë në fushat përkatëse ·Planifikim i karrierës së studentëve ·Praktika studentore ·Universitet i integruar me tregun e punës ·Programe shkëmbimi ne Europë dhe SHBA ·Bibliotekë e pasur me rreth 32 mijë tituj librash ·Mbështetje me bursa studimi për studentët e ekselencës ·Infrastrukturë moderne ·Pjesëmarrje në konkurse ndërkombëtare ·Universitet me profil ndërkombëtar, studentë nga 15 vende dhe staf akademik nga 8 vende të ndryshme botës ·12 klube studentore ·Kërkim shkencor mjaft aktiv ·Marrëveshje bashkëpunimi me 40 universitete në Shqipëri dhe Europë ·Programe internship

Rektori i Bedër takon Kryetarin e Bashkisë së Tiranës

Rektori i Universitetit Bedër Dr.Ferdinand Gjana zhvilloi një vizitë në Bashkinë e Tiranës ku u prit nga Kreybashkiaku Z.Erion Veliaj. Në takimin e zhvilluar , Dr.Gjana i uroi suksese dhe mbarësi  Z.Veliaj në postin e ri. Ndër të tjera ai u shpreh se përgjegjësia dhe sfidat në qytetin e Tiranës janë të shumta por me vullnetin e duhur suksesi në të dobi të qytetarëve të Tiranës është vetëm një hap larg. Nga ana e tij, kryebashkiaku Veliaj vlerësoi ecurinë e deritanishme të Universitetit Bedër, duke e cilësuar atë si një vlerë të shtuar në sistemin e arsimit të lartë në Shqipëri.

Renditja e Webometrics, Bedër një ndër 5 më të mirët në Shqipëri

Universiteti Hëna e Plotë (Bedër) në rankimin e fundit nga “Webometrics Ranking of World Universities" (Renditja e Universiteteve Botërore Webometric) vlerësohet si universiteti i 5-të më i mirë në Shqipëri. Cybermetrics Lab, një nga grupet më të mëdha kërkimore me qendër në Spanjë organizon çdo 6 muaj renditjen e Universiteteve botërore Webometrics, në të cilën marrin pjesë rreth 20 mijë institucione të arsimit të lartë.

Bedër diplomon brezin e dytë të studentëve

Universiteti Hëna e Plotë Bedër, diplomoi brezin e dytë të studentëve në një ceremoni të organizuar me këtë rast në ambientet e Muzeut Historik Kombëtar. 154 studentë nga 15 vende të ndryshme botës nën brohëritjet e familjarëve dhe duartrokitjet e të pranishmëve hodhën në ajër kapelet e diplomimit duke shënuar kështu mbylljen e një etape mjaft të rëndësishme në jetë. Në ceremoni ishin të pranishëm Zv Ministrja e Arsimit dhe Sportit Nora Malaj, Kryetari i Komunitetit Mysliman të Shqipërisë Skënder Bruçaj, Rektori i Universitetit Europian të Tiranës Tonin Gjuraj, Rektori i Universiteti Epoka Remzi Altın, Rektori i Universitetit të Durrësit Mit'hat Mema, Delegacioni i Universitetit “Della Calabria” në Itali, personalitete të shumtë nga bota akademike, pedagogë universitetesh, familjarë të të diplomuarve si dhe përfaqësues nga fusha e medias dhe biznesit.

Firmoset marrëveshja e bashkëpunimit me Universitetin Della Calabria, Itali

Në kuadër të zgjerimit të bashkëpunimeve ndërinstitucionale Universiteti Bedër dhe Universiteti Della Calabria në Itali nënshkruan marrëveshje bashkëpunimi në fushën e edukimit dhe kërkimit shkencor. Sipas kësaj marrëveshje të dy institucionet e arsimit të lartë ranë dakort në shkëmbimin e stafit akademik dhe shkencor si dhe shkëmbimin e studentëve në programe të ndryshme studimore.