Lajme & Aktivite

Ndahen çmimet fituese për konkursin mbi esenë më të mirë në frengjisht

Punimet fituese në “Konkursin për esenë më të mirë në “Frengjisht” u vlerësuan me çmime në ceremonë e organizuar me këtë rast. Konkursi u organizua si një iniciativë e përbashkët e Universitetit Hëna e Plotë Bedër me Aleancën Franceze dhe Ambasadën e Francës në Tiranë. Nxënës dhe studentë nga shkolla të ndryshme të Shqipërisë morën pjesë me esetë e tyre të cilat më pas u vlerësuan nga një juri profesionistësh. I pranishëm në këtë aktivitet Zv Ambasadori Francez Z Didier Guilbert fillimisht këshilloi studentët të jenë sa më të hapur ndaj kulturave të huaja si dhe inkurajoi ata të marrin pjesë në nisa apo organizime të tilla. Ai i unkrajoi ata që nëpërmjet frengjishtes të shfrytëzojnë mundësitë për të studiuar në universitetet franceze dhe të njihen me kulturën dhe vlerat demokratike që ofron ky vend. Më pas ai falenderoi Universitetin Bedër për hapjen e rrugëve dhe krijimin e mundësive të nevojshme për mësimin e gjuhës dhe kulturës franceze. Z. Guilbert u shpreh se Franca dhe Shqipëria kanë shumë vlera që i ndajnë me njëri tjetrin dhe një prej tyre është dhe toleranca fetare.

Nënshkruhet marrëveshja e bashkëpunimit ndërmjet Bedër dhe Universitetit “Tor Vergata”, Romë

Universiteti Bedër nënshkruan marrëveshje bashkëpunimi me Universitetin e Romës “Tor Vergata” në fushën e Drejtësisë, Teologjisë, Psikologjisë dhe Edukimit. Kështu, sipas marrëveshjes të dyja palët bien dakort në: 1-      Shkëmbimin e ekspertëve në fushat përkatëse 2-      Shkëmbimin e informacionit, dokumentacionit si dhe publikimeve shkencore 3-      Zhvillimin e seminareve në fushat që përfshin marrëveshja 4-      Shkëmbimin e pedagogëve në peridha të shkurtra mësimdhënieje 5-      Shkëmbimin e studentëve

Bedër nënshkruan marrëveshje bashkëpunimi me Universitetin e Ljubljanës në Slloveni

Dekani i Fakultetit të Shkencave Humane në Universitetin Bedër, Prof Dr Ayhan Tekineş si dhe Dekani i Fakultetit të Drejtësisë në Universiteitn e Ljubljanës Prof. Dr. Miha Juhart, gjatë një takimi dy-palësh të zhvilluar në Slloveni firmosën marrëveshjen e bashkëpunimit institucional. Pas nënshkrimit, palët shprehën vullnetin për të vënë në jetë sa më shpejt që të jetë e mundur, mundësitë e bashkëpunimit në fushën e kërkimit shkencor dhe të edukimit që ofron kjo marrëveshje.

Bedër firmos marrëveshjen e bashkëpunimit me Universita Degli Studi di Bari “Aldo Moro” në Itali

Kjo marrëveshje vjen në kuadër të zgjerimit të bashkëpunimeve ndërinstitucionale dhe konsiston në: 1- Përgatitjen e programeve akademike në nivel post-universitar. 2- Zhvillimin e nismave në fushën e kërkimit shkencor në nivel rajonal e më gjerë. 3- Krijimi i një rrjeti të publikimeve periodike dhe një forumi për diskutime shkencore. 4- Specializime profesionale për stafet akademike. 5- Pjesëmarrja në aktivitete akademike të orgranizuara nga universiteti i Barit etj.

International Fair, rikthehet atmosfera multikulturore në Bedër

Dekanati i studentëve në bashkëpunim me klubet studentore në Universitetin Bedër, zhvilluan panairin e 3-të ndërkombëtar, duke rikthyer sërish atmosferën multikulturore në ambientet e universitetit. Në 16 stenda u prezantuan flamuj, simbole, personalitete ndërkombëtare, kultura të ndryshme, kuzhina tradicionale të vendeve pjesëmarrëse si dhe tipare karakteristike përfaqësuese për secilin shtet.

Ambasadori i Norvegjisë Jan Braathu, në bashkëbisedim me studentët e Bedër

Ambasadori i Norvegjisë për Kosovën dhe Shqipërinë, Z. Jan Braathu ishte i ftuari i rradhës në leksionin e hapur me temë “Western Balkan, Current Problems and road Ahead”. Gjatë leksionit, Z. Braathu u ndal në problemet kryesore me të cilat haset Ballkani Perëndimor në rrugën drejt integrimit në Bashkimin Europian, duke trajtuar elementin politik, ekonomik dhe social. Ndër të tjera, ai theksoi mungesën e bashkëpunimit rajonal si një nga pengesat më të mëdha në fushën e zhvillimit të rajonit. 

Shpallen fituesit e konkursit "Youth Creative English Essay Contest"

Universiteti Bedër organizoi ceremoninë e ndarjes së çmimeve për konkursin “Youth Creative English Essay Contest”. Konkurs ky i organizuar për të 2-tën herë në bashkëpunimi me Këshillin Britanik në Shqipëri ku morën pjesë nxënës nga të gjitha shkollat e mesme të vendit tonë. Në ceremoninë e sotme ishin të pranishëm mësues, organizatorë të konkursit, familjarë të nxënësve pjesëmarrës, përfaqësues të Këshillit Britanik si dhe një numër i konsiderueshëm nxënësish nga shkolla të ndryshme.

Firmoset marrëveshja e bashkëpunimit me British Council

Rektori i Universitetit Bedër Dr. Ferdinand Gjana dhe drejtoresha kombëtare e British Council Albania, Aida Berxholi firmosën marrëveshjen e bashkëpunimit institucional gjatë një takimi 2-palësh të zhvilluar në ambjentet e universitetit. Në bazë të kësaj marrëveshjeje Bedër merr përsipër në kapacitetin e Qendrës së Regjistrimit të British Council për IELTS, promovimin, regjistrimin dhe ofrimin e ambienteve për testim dhe mësimdhënie për testet e IETLS si dhe teste dhe shërbime të tjera të ofruara nga British Council Albania.