Lajme & Aktivite

Zhvillon punimet konferenca e 3-të studentore në drejtësi

Departamenti i Drejtësisë në Universitetin Bedër në bashkëpunim me klubin studentor “Bedër Law Academy” zhvilluan  konferencën e 3-të studentore me temë “Sfidat e Drejtësisë Shqiptare në Procesin e Integrimit në Bashkimin Europian”. Me pjesëmarrjen e rreth 18 studentëve nga cikli i parë dhe i dytë i studimeve, punimet e realizuara nën udhëheqjen e pedagogëve të departamentit të drejtësisë, trajtonin tema të ndryshme aktuale që përbëjnë sot thelbin e debatit në drejtësinë shqiptare. 

Fatmir Xhafaj në bashkëbisedim me studentët e Bedër për reformën në drejtësi

Kryetari i Komisionit Parlamentar për Çështjet Ligjore, Administratën Publike dhe të Drejtat e Njeriut, njëkohësisht kryetar për reformën në drejtësi Fatmir Xhafaj ndau me studentët e Bedër rëndësinë e reformës në këtë fushë. I ftuar në ceremoninë e hapjes së Konferencës së 3-të studentore në drejtësi të organizuar nga Departamenti i Drejtëisë në bashkëpunim me klubin studentor “Bedër Law Academy”, z. Xhafaj u ndal në ecurinë e deritanishme të punës që ka kryer komisioni i reformës.

Gjyqi imitues i studentëve të drejtësisë

Klubi studentor “Beder Law Academy” në bashkëpunim me Departamentin e Drejtësisë në Universitetin Bedër, zhvilluan për të katërtin vit radhazi Gjyqin Imitues ku studentët e vitit të parë dhe të dytë improvizuan një proces të rregullt gjyqësor. Kazusi i marrë në shqyrtim nga studentët trajtonte një aksident rrugor të ndodhur në rrethrrotullimin e doganës nga ku kishte mbetur i plagosur një kalimtar i rastit. Pas kësaj ai ishte dërguar në spital ku dhe kishte marrë ndihmën e parë. Më pas ai denoncon palën tjetër dhe kërkon dëmshpërblimin përkatës.

Studentët e Drejtësisë përfaqësojnë Shqipërinë në Gjykatën Ndërkombëtare të Krimeve në Hagë

Departamenti i Drejtësisë në Universitetin Hëna e Plotë Bedër do të përfaqësojë vendin tonë për të 2-tin vit radhazi në konkursin e stimulimit gjyqësor të Gjykatës Ndërkombëtare të Krimeve në Hagë. Studentët: Jonida Shtylla, Fatjona Halaj, Helena Dokaj, Amarildo Hoxha, Endri Çela si dhe pedagogu Kelmend Nezha përbëjnë ekipin garues në këtë konkurs ndërkombëtar.

324 maturantë fitojnë të drejtën e bursës në Bedër

Shkolla e Lartë Hëna e Plotë "Bedër" shpall rezultatet e provimit për përfitimin e të drejtës së bursës. Janë 324 maturantë nga shkollat e mesme të Shqipërisë të cilët kanë fituar të drejtën për të studiuar me bursë në një nga programet e studimit bachelor që ofron Bedër. 

Bedër firmos marrëveshjen e bashkëpunimit institucional me Universitetin “Della Calabria” në Itali

Rektori i Universitetit Bedër Dr Ferdinand Gjana si dhe drejtori i Zyrës së Marrëdhënieve Ndërkombëtare Z. Isa Erbas zhvilluan një takim dypalësh me përfaqësuesin e Universitetit “Della Calabria” Z. Gianluca Meranda për të diskutuar dhe konkretizuar këtë marrëveshje. Synimi i të dy institucioneve është bashkëpunimi në fushën e edukimit, kërkimit shkencor si dhe në të gjitha fushat e tjera të veprimit me interes të përbashkët. Gjithashtu inkurajimi i kontakteve të drejtpërdrejta dhe bashkëpunimit ndërmjet anëtarëve të fakulteteve, departamenteve dhe qendrave kërkimore nën dispozitat e marrëveshjes.

Ministrja Milena Harito në bashkëbisedim me studentët e Drejtësisë

Znj Milena Harito, Ministre për Inovacionin dhe Administratën Publike, ishte e ftuara e radhës në kuadër të ciklit “Brownbag Seminars” e cila mbajti një leksion të hapur me studentët e Departamentit të Drejtësisë rreth temës: “Reformat në administratën publike, parakusht për anëtarësimin në Bashkimin Europian”. Bashkëbisedimi me studentët u zhvillua në disa faza, fillimisht Znj Harito njohu të pranishmit me kompetencat, strukturën si dhe institucionet në varësi të ministrisë në fjalë. Më pas ajo bëri një përshkrim të shkurtër të reformave konkrete që janë ndërmarrë në administratën publike në shërbim të procesit të anëtarësimit në BE.

Zv. Ambasadori Amerikan Henry V. Jardine në bashkëbisedim me studentët e Universitetit Bedër

Henry V. Jardine, zëvendësambasador i SHBA-së në Tiranë, mbajti një leksion të hapur  në Universitetin Bedër me temë: “Vlerat e demokracisë dhe roli i rinisë”. Z. Jardine u shpreh se ai zgjodhi pikërisht këtë temë, duke pasur parasysh ndikimin që mund të ketë rinia në instancat vendimmarrëse, si edhe faktin që  zgjedhjet lokale do të mbahen së afërmi. Leksioni u zhvillua në formë bashkëbisedimi, ku z.Jardine fillimisht pyeti studentët se si e perceptojnë ato rolin që duhet të ketë rinia në zhvillimin e demokracisë. I pyetur për mënyrat e ndërgjegjësimit të  rinisë, në lidhje me demokracinë, z.Jardine u shpreh se varet nga interesat e grupit rinor, por ndër bazat kryesore përmendi nxitjen për angazhime nëpërmjet rrjeteve sociale, tashmë si një ndër format kryesore të komunikimit.